Humanity ? One human family? That's just funny!

So stupid we are .. we improve the earth planet so good yet, As the earth improve ..Our humanity step back
To the limit we step on dead bodies so easily and waste tons of food in front of millions of hungry people !
Simply .. what goes around comes around , will come to the day when we will suffer from what we've done to the human family .
we're about to have zero humanity seriously.

ثورة تاني من جديد

المجلس العسكرى عشان يقضى على الثورة عمل زى ما عبدالناصر عمل مع الاخوان ( بالظبط ) .. ضحك عليهم ووعدهم بشوية ( كراسى ) فى البرلمان ، وبدا فى تخوين حركة 6 ابريل وكفاية والوطنيةللتغيير والبرادعى والجماعة مشيت معاه على طول الخط .. ودلوقتى لما خلاص خلص على شباب الثورة والقوى السياسية بقت الجماعة ( لوحدها ) .. الكل قاعد يتفرج عليها والمجلس العسكرى ( بيديها على قفاها ) .. ولا عارفين يشيلوا الجنزورى ولا عارفين يعدلوا قانون رئاسة !! اى نعم الثورة المضادة بقت أقوى من الثورة الفعلية فى الوقت الحالى بس السبب هو ( طمع الجماعة ) .. وأحب أقولهم ان خلاص اللعبة فى مراحلها الاخيرة .. وزى ما العسكر انتقموا من كل القوى الثورية عشان خاطر عيون ( مبارك ) .. متفكروش انه هيسيبكوا فى حالكم !! انتوا اشتركتوا فى الثورة على الراجل بتاعهم زيكو زى 6 ابريل وكفاية والوطنية والبرادعى !!
و ابقي سلملي علي برلمان الثورة و شرعية الاغلبية ^^ لازم تمسحو من تفكيركم ان الاكبر سنا بيفهم اكتر .. لأن احنا عمرنا ما كان هيتلعب علينا اللعبة دي لو كنتو كملتو معانا ثورة او علي الاقل سبتونا احنا نكمل بدون مساعدة العسكر في اجهاض الثورة !
يلا كلو بيتعلم ...
في انتظار قيام الثورة الجديدة :)

جبت التايهة

الأخوان ميفرقوش عن أى حزب تانى فى توجهاته ولا برنامجه..التيار الأسلامى كدبه مفيش حاجه أسمها تيار أسلامى ...الأخوان واخدنها غطاء و النور تيار متشدد ...
و الاتنين لا يستطيعون مخاطبة اي مثقف يعرف مبادئ دينه ! ولاكن للأسف هي قلة قليلة في المجتمع المصري .. للأسف نحن معظمنا يدعي التدين ولاكن لا يطبقه و لا اريد ان اقول لا يفهمه ايضا و الله اعلم! اتمني ان يكون الناس قد ادركو خطر المتأسلمين علي شعب سرعان ما يستجيب للحوافذ الروحانية دون تفكير ؟
ولا استثني الطبقة المثقفة من نقضي .. فلقد فشلو في ايجاد الطريقة المناسبة لمخاطبة عقل الشارع .. دائما ما كتبنا بيانات لا يفهمها ألا مثقف ( زي ما انا بكتب لغة عربية فصحي مملة دلوقتي ^^ ) لسة احنا سنة اولي سياسة .. بنتعلم عشان لما نعمل الثورة اللي جاية نعملها علي نظافة كده و ندخل الدخلة الصح علي كتاب التاريخ اللي مسيرو هيحكي عننا و يفهم الناس اننا العباقرة اللي برغم كل الضغوط و التلوث الفكري و الثقافي اللي عشنا فيه منذ 11 فبراير 2011 حتي الان , ألا اننا فضلنا متمسكين بمبدأ و فكرة و حلم .. "نهضة مصر" !
الثورة مستمرة و ستسقط كل منافق و ظالم ..

لم أجد لها عنوان !

لن أيأس حتى لو كنت واقف فوق جبل اليأس. فسوف ينتصر الخير وسوف ينتصر العقل.. لكنى أستجير وأنادى على الدولة.. أنتي فين يا دولة، أنت فين يا برلمان، يا وزراء، يا جيش، ويا شعب.. كيف يصمت الجميع إزاء ما يجرى، وقد حذرت منه قبل أن يجرى.. حذرت من صمت البرلمان وصمت الميدان وصمت الحكومة وصمت الوزارة وصمت الإدارة وصمت المجلس القومى وصمت مجلس الخزي و العار وصمت الشعب وصمت النجوم وصمت الكواكب.. أسابيع من التحذير منذ وقعت الجريمة.. ولم يتحرك أحد. دائما الحركة بعدما يغادر القطار المحطة. فتبدأ الهرولة. تبدأ المحاولات. بعد أن سبق السيف العزل. وقطع سيف الصخب والهستيريا رقبة العقل. حذرت ألف مرة هنا وهناك من تأخر العقاب. ومن سياسة الصمت و الكذب. وقلت نصا إن الصعب لم يأت بعد.. و ها قد جاء ؟

بورسعيد ثائرة وغاضبة.. كأنه لم يسقط ضحايا ولم تقع جريمة، وكأنه لا يوجد نظام ولا يوجد قانون..وكأن ما وقع كان فى دولة أخرى فى كوكب آخر.. ومن أسف أن مسيرات الغضب تحركت حين تحرك القانون. أنتم جميعا لا تريدون القانون ولا تعرفون القانون، ولا تعترفون بالقانون. ومن أسف أكثر أن الهجوم المضاد بدأ وخرج من نواب فى البرلمان، ومارسه نائب بكى وأبكانا وهو أكرم الشاعر لإصابة أصابت نجله، فجعله مصابنا جميعا.. ألم يشعر أن اغتيال 74 شابا يعد جريمة مفزعة؟

للأسف، وقد بات الأسف مستمرا ودائما، خرج الهجوم المضاد من نواب فى مجلس الشعب الذى من المفترض انه يمثل الشعب، فسكت كل مجلس الشعب كأنه لا أحد يدرك حجم الكارثة وحجم الاحتقان الذى يشتعل ويزيد بتخطيط وتدبير..

مصر تمر بمرحلة في منتهي الخطورة ..ولا يزال عندي أمل في ايقاظ الثورة عما قريب و علي رأي هشام الجخ "لم يفرم شعبك يا وطني .. فرجالك كالفيله بطشا.. و ذكور الفيلة لا تخصي "

الثورة مستمرة

رامي عبد الجليل

ألك سحب ثقة من الجنزوري

• بالنسبة للسادة اعضاء حزب الخيار و السكر اللي صدعونا بموضوع سحب الثقة من حكومة الجنزوري 

  دي المادة اللي بتقر سلطات المجلس العسكري

  مـــــادة 56

  
  

  
  

  يتولى المجلس الأعلى للقوات المسلحة إدارة شئون البلاد ولـه في سبيل ذلك مباشرة السلطات الآتية :

  
  

  
  

  التشريع.

  
  

  إقرار السياسة العامة للدولة والموازنة العامة ومراقبة تنفيذها.

  
  

  تعيين الأعضاء المعينين في مجلس الشعب.

  
  

  دعوة مجلسي الشعب والشورى لانعقاد دورته العادية وفضها والدعوة لاجتماع غير عادى وفضه.

  
  

  حق إصدار القوانين أو الاعتراض عليها.

  
  

  تمثيل الدولة في الداخل والخارج، وإبرام المعاهدات والاتفاقيات الدولية، وتعتبر جزءاً من النظام القانوني في الدولة.

  
  

  تعيين رئيس مجلس الوزراء ونوابه والوزراء ونوابهم وإعفاؤهم من مناصبهم.

  
  

  تعيين الموظفين المدنيين والعسكريين والممثلين السياسيين وعزلهم على الوجه المبين في القانون، واعتماد ممثلي الدول الأجنبية السياسيين.

  
  

  العفو عن العقوبة أو تخفيفها أما العفو الشامل فلا يكون إلا بقانون.

  
  

  السلطات والاختصاصات الأخرى المقررة لرئيس الجمهورية بمقتضى القوانين واللوائح. وللمجلس أن يفوض رئيسه أو أحد أعضائه في أي من اختصاصاته.

  
  

  ________ يعنى لو شلت الحكومة دى المجلس العسكرى حيعنلك حكومة تانية !!!!!

  
  

  عايز تشيل الحكومة فى طريقة واحدة بيتشال بيها الحكومات واسال احمد شفيق وعصام شرف

  و سلملي علي شرعية الاغلبية يا كوتكوت

سوريا ... !!

أه يا عرب ! كنت فاكركم فيلة.. و طلعتو خرفان .. للأسف خــــــرفــــــــــــــــان 
كل اللي قدرتو عليه انكم تلوموا علي السماح بتدخل الناتو في شئون ليبيا ! 
طب اهي سوريا بقالها سنة بتتقتل ... عملتو ايه يا غنم ؟ تقولون ان الناتو الملحدين تدخلو في شأن ليبيا.. الملحد تدخل عشان بيقدر النفس البشرية عنكم يا دعاة التدين يا غساة السيل ! 
طب الناتو متدخلش في سوريا ! عملتو ايه ؟ عملتو ايه ؟
و عجبا لما اشوف العالم كله واقف يتفرج ... فعلا النفس البشرية قد فقدت ادميتها و اصبحنا اصنام تتكلم و تاكل و تعمل و لا نبالي ايه اللي بيحصل في الشارع اللي جمبينا بدل مش واصلنا الاذي ..
و عجبا علي العرب خاصة لما يبررو تغاضيهم عن القتل ب : ولا تلقو بأيديكم الي التهلكة 
لاحول ولا قوة ألا بلله ... فعلا احنا في زمن العجايب و أقصي درجات التخلف الفكري لدرجة اننا نعلم جيدا أ.ب أنسانية ولا نطبقها ! 
فعلا صرتم كالانعـــــــــــــــام يا عرب ! 

الثورة مستمرة

كان فيه خطين للقضاء على الثورة الاول تنفيذ خريطة طريق مبارك من تعديلات و ذهاب لشرم لتهدئة الوضع و تهريب اموال مصر تحت حمايه العسكري
و الخطوة التانيه تحييد الاخوان و السلفيين كقوة مؤثرة بعضمة الشعب و الشورى و النصاب زي ما احنا عارفين يلزمه طماع.
و عشان يستمر تفتيت شعب مصر شجعوا على المظاهرات الفئوية و قطع الطرق لهدفين تفرقة الشعب و انهاك الثورة!
و لما تاكدوا من الفرقة اللي حصلت بين اطياف الشعب رعوا عناصرهم في كل تجمع لدفعه للانتحار دون تحقيق اي حاجة من اهداف الثورة!
و في اول خطوة تتعارض مع منطقيه الثورة صمموا يعينوا وزير اعمال و استعانوا بالفلول لتحريض عامل الخوف على الرق و الأمان و لسه مكملين لقتل الثورة
و عشان يحيدوا الاخوان و السلفيين مسكوا عليهم اوراق تهذهم بحل مجلسهم ووجودهم عند اي اعتراض على العسكري و ظهرت سلبيه المتأسلمين واضحة
و ده كان السر في موضوع منظمات المجتمع المدني لهدفين تهديد الاخوان و ابتزاز امريكا للمضي في عسكرة الثورة!
من هنا الثورة فعلا فقدت كتير و الشعب فقد كتير
طب ممكن خريطة الطريق دي تنجح؟ الاجابة لأ
الثورة مستمرة

بعد اكثر من عام على الثورة

بعد اكثر من عام على الثورة
_______________________
مفيش حرية ، مفيش عيش ، مفيش عدالة اجتماعية ، مفيش كرامة انسانية ، مفيش حرية رأي وصحافة واعلام ،
مجلس شعب وظيفته تشريعية ورقابية ، مش قادر يشرع ، ولا قادر يعدل قانون ، ولا قادر يراقب على الحكومة ، ولا قادر يشيل وزير ولا يحط وزير ولا يحل حكومة ولا يشكل حكومة
قضاء مترهل ، وفاسد ، ونائب عام فلول
ومحاكمات هزلية لقادة الفساد فى النظام السابق
ومزيد من الشهداء والمعتقلين والمصابين
مجلس عسكرى يحكم البلاد بالحديد والنار والمؤامرات ، والاعتقالات والاغتيالات ، والمذابح

يا ترى شعب مصر ، ودعاة الاستقرار دلوقتى فهموا ، احنا كنا بننزل ليه ؟
يا ترى فهموا ، احنا كنا نايمين فى الشوارع على مدى عام فى البرد والحر ليه ؟
يا ترى لو كنتوا نزلتوا معانا ولو مرة واحدة مش كنا خلصنا من اللى احنا فيه دا ؟
يا ترى صدقتوا اننا كنا صح ، ولا لسة الكبر واخدكم ، ومش عاوزين تصدقوا ؟
يا ترى عرفتوا مين الخائن ، ومين الممول ، ومين اللى بيقبض ؟
يا ترى هتفضلوا ساكتين برضوا ؟ ، ولا الحق احق ان يتبع ؟

عموما احنا مكملين ، لاننا عرفنا طريقنا ، هو كله شوك وصعاب
وممكن ميطلعش علينا نهار ، بس كله عشان ولادنا ، وولادكم الجايين
مش هنسمح انهم يعيشوا زى ما عشنا ، ولا يذلوا او يهانوا زى ما اتذلينا واهنا
ومصر هتبقى ، والحق هيظهر ، والطغاة فى مزبلة التاريخ ، والباطل سيزهق

انــــا نـــازل يـــوم 9 مـــارس ...فرض الارادة!

واحد من حركة : نهضة الوعي

كفاية بقي !

بالذمه مش حرام ان الشعب المصري العظيم يتحكم بتلات عصابات (مجالس)
1-مجلس الحلاليف (المسمي بالعسكر)بيحكم لانه سرق الثوره وبيخمدها بقوة السلاح اللي الشعب دافع حقه
2-مجلس الطراطير (المسمي الشعب )وقد جاء بانتخابات شابها كل العيوب من تدليس وتزوير وشراء اصوات والضحك علي البسطاء باسم الدين .وهو مجلس منزوع الصلاحيه ياخذ اوامره من الحلاليف .
3-مجلس الخوازيق (المسمي بالشوري)ثلثي الاعضاء جاءو بنفس طريقة الطراطير والثلث عينهم الحلاليف فاقدي الشرعيه .وهم ليسوا منزوعي الصلاحيه .اصلا حسب القانون لا صلاحيه لهم ولا وظيفه فهم فعلا مجموعة خوازيق علي حساب الشعب المصري.
وفي هذا المناخ الملوث ينتظر البعض انتخابات الرئاسه وكانها المنقذ وستفرز شئ افضل ولا افهم كيف والرئيس سيكون افراز ونسخه طبق الاصل للتلات مجالس الغير موقره.
الثوره هي الحل ماانتزعه مجلس الحلاليف بالقوه لا يسترد الا بالقوه .قوتنا في اتحادنا وكفاحنا وسلميتنا ويسقط يسقط حكم العسكر.

ثورة ؟

إلى أين وصلت التحقيقات فى مجزرة بورسعيد؟ لماذا لم يُقدم المسؤول الحقيقى والسياسى عن أحداث العباسية والسفارة ومحمد محمود ومجلس الوزراء والشيخ ريحان إلى التحقيق؟ لماذا لم يقدم عصام شرف ووزير داخليته العيسوى إلى التحقيق لمسؤوليتهما السياسية عن تلك الأحداث؟ هل صحيح أن النشطاء السياسيين اللى فالقينا لم يزر أيهم أسر شهداء بورسعيد؟ أين القناصة الذين قتلوا الشهداء؟ لماذا يحصل قناص العيون الشناوى على تجديد حبس ولا يحاسب؟ ومن يحميه؟ لماذا لم يصدر قانون العزل السياسى لرموز النظام السابق؟ هل يملك أحد أو يجرؤ من نواب الإخوان والنور فى مجلس الشعب أن يختلف مع طنطاوى والمجلس العسكرى؟ أين اللواءات المحترمون الذين اعترفوا بكشوف فحص العذرية فى جلساتهم المغلقة، ثم أصبحوا غير محترمين حين سحبوا كلامهم فى العلن؟ أين القصاص العادل والحقيقى ممن قتل أبناءنا؟ ولماذا سارع البرلمان بعقاب من شتم ولم يعاقب من قتل؟ السؤال الأخير: هل أنت مؤمن أن هناك ثورة قامت فعلا؟ وهل تشعر بأى وجع من الأسئلة السابقة، أم أنك -ولا مؤاخذة- بروطَّة؟

ألك لن نركع و كلام من ده طب بتاع ايه ؟

الناس زعلانة ومتكدرة علشان قضية التمويل الاجنبى واننا اضربنا على قفانا فيها والحكومة ومجلس الشعب كمان متكدر هو انتم مش واخدين بالك يعنى ايه " امريكى " يدخل السجن المصرى دة احنا مش عارفين نحاكم المصريين اللى افسدوا الحياة السياسية وسرقوا البلد اصلا وبعدين زعلانين علشان كرامة الانسان المصرى امام العالم طيب
كانت فين كرامة المصرى دة وشباب زى الفل بيتقتل علشان نزل فى مظاهرة سلمية يقول عيش حرية عدالة اجتماعية
كانت فين كرامة المصرى دة وشباب بيضرب بالبيادة وبنات بتتسحل وتتعرى
كانت فين كرامة المصرى دة ومحاكمات هزلية لرؤوس النظام الموجودين فى بورتو طرة منعمين
كانت فين كرامة المصرى دة والغاز يتصدر لاسرائيل والدهب لسويسرا والناس مذلولة على انبوبة بوتاجاز
كانت فين كرامة المصرى دة ورجال اعمال سرقوا البلد ونهبوا ارضها واموالهم مهربة فى الخارج
كانت فين كرامة المصرى دة والثوار بقوا هم الخونة والعملاء والبلطجية!!!